Bodegas Godeval 

Bodegas Godeval fundouse no 1986 para elaborar un viño monovarietal a base de uva da variedade Godello. Esta adega puxo todo o seu afán e empeño en recuperar a variedade branca godello, baixo a denominación de orixe Valdeorras. Nas súas instalacións, situadas no entorno histórico de Xagoaza (O Barco), empezaron o seu proxecto de recuperación da variedade nos anos 80, utilizando parte do edificio medieval do Mosteiro de Xagoaza como adega e a plantación de viñas propias, para controlar todo o proceso e seguir a máxima de “que o viño faise na viña”. Co paso do tempo e a necesidade de continuar atendendo as necesidades dos seus clientes, ampliou as súas plantacións e tamén as instalacións, situadas a escasos 100 metros das anteriores. A adega ademais recuperou unha antiga adega soterrada “cova” na que ofrece visitas e catas.
A adega elabora viños brancos 100% godello. As súas marcas son Godeval, Godeval Cepas Vellas e Godeval Re.Vi.Val . A primeira marca (Godeval) é unha elaboración con método tradicional, a segunda é un sobre lías con uvas de viñedos antigos e o terceiro realizase cun proceso de criomaceración e lías; ademais de con as uvas dun dos seus viñedos más antigos.

Prema o icono para engadilo á Ruta personalizada