Concello de Petín 

A súa poboación en 2009 era de 1.030 habitantes. O seu xentilicio é petinés.

Abarca unha superficie de 30,47 km2. Limita ao norte cos Concellos da Rúa e Vilamartín de Valdeorras, ao leste co Barco de Valdeorras, ao sur co Bolo e A Veiga e ao oeste con Larouco.

Situado ao pé da Serra do Eixe e do encoro de San Martiño sobre o río Sil o que lle aporta ao igual que á Rúa un exótico aspecto marítimo.

Alén da zona vella de Petín e lugares próximos como a Igrexa de Santa Mª de Mones que ofrece fermosas vistas outro lugar para unha interesante visita é Portomourisco. Neste precioso emprazamento, costruíuse unha ponte para que cruzaran o río Xares os devotos que peregrinaban ao Santuario de As Ermidas. Ao redor desta ponte franqueada por unha pequena ermida, a aldea Portomourisco semella esquecida no tempo.

A vila de Petín como lugar alegre que é, ten un concorrido ambiente as noites da fin de semana xunto ao seu pequeno casco antigo que convida a disfrutalo cun paseo.

Prema o icono para engadilo á Ruta personalizada